حلاق وابنة بيتفرجوا علي ماتش كورة فالولد سمع المعلق بيقول (وشاطها بمشط رجلة وجات في المقص وجووووووووووووون)راح الولد لابوة وقالة الحق يا بابا دول باينلهم بيلعبوا في العدة
*******
مسطول في المحكمة,القاضى بيسأله انت متجوز مين؟ قاله:متجوز واحدة ست,القاضى قاله انت هتهرج؟أمال فى حد بيتجوز راجل؟,قاله:اه اختى
*******
أيه الفرق بين الكمبيوتر والحفرة والبخيل؟
الكمبيوتر : حاسب آلي
الحفرة: حاسب لتقع
البخيل: حاسب أنت أنا ماعيش فكة
*******
واحد باشا دار عليه الزمن وافتقر حب يشتغل, إشتغل بياع فجل وجرجير
طول النهار واقف فى السوق ولابس طربوش وبينادي: فجل يا حوش .. جرجير يا كلاب
*******
اتنين مساطيل واحد سال التاني هو النهارده السبت و اللا الحد قاللو الاتنين قاللو ماشاء الله هما بقو سوا
*******
سألو واحد بخيل طحن: تعمل ايه لو الدنيا برد؟ قال: أروح للدفاية. قاله: ولو الدنيا برددت أكتر؟ قال:أقرب منها . قاله: ولو برددت أكتر؟ قال: ألزق فيها. قاله: طب ولو نزل تلج؟ قال: أشغلها بقى وأمري لله
*******
اثنين في السجن محكوم عليهم اعدام .. واحد منهم رخم جدا .. في
يوم الاعدام سألوا الاول عن امنيته الاخيرة . قال : اشوف امي . سألوا الرخم عن امنيته الاخيرة . قال : صاحبي مايشوف امه
*******
احول سالوه ايش امنيتك في الحياه قال:اشوف واحد ماشي لوحده
*******
واحده ست اشتركت فمن سيربح المليون جوزها طلقها عشان اتصلت بصديق
*******
مرة واحد سافر الكويت لقى الاسامى بوحمد و بو فهد و بو محمد و بو فيراس راح سمى نفسه بوكيمون
*******
ثلاث مساطيل بيحكو مع بعض, اول واحد بيقول: انا لو معايا فلوس اشترى امريكا الجنوبيه , والتانى : قال وانا لو معايا فلوس اشترى امريكا الشماليه, فرد الثالث: ومين قالكم اني هبيع
*******
اثناء مرور مدير مستشفي الامراض العقلية علي عنابر النزلاء لقي واحد منهم بيكتب جواب فسأله المدير: بتكتب جواب لمين، المريض: بكتبه لنفسي، المدير: فيه حد بيكتب جواب لنفسه
طيب بتقول فيه ايه، المريض: سبحان الله.. واعرف منين مش لما الجواب يوصلني
*******
واحد صيعيدى بيقول لصاحبة حسانين داس على راسه القطر قاله تاااانى !!!؟
*******
ليه الصعيدي بياخد الدواء قبل ميعاده...؟؟؟
عشان يفاجئ الفيروسات
*******
واحد من اياهم كان معاه 10 جنيه راح يشترى باكتة بانجو البوليس كبس عليه راح مقطع ال10 جنيه
*******
ان الرعيل الأول من الليبرالية أضفى سيكولوجية تستوجب الوقوف عند
حد معين الزامي لما يصبوه التحرر من براثن التقيد بكل ما هو منبثق
عن حب الذات ... المهم , أنا لقيت بتاع البانجو ..... أجيبلك
معايا..؟
*******
اربع صعايدة راحو محطة مصر فشافو القطر طلع قعدو يجرو يجرو يجرو لحد لما تلاتة حصلوه وواحد بس ملحقش بس كان بيضحك اوى اوى
سالوه انت ليه بتضحك, قالهم :اصلهم كانو جايين يوصلونى
*******
مرة واحد قال لابوه: هات اتنين جنيه عشان اروح لصاحبى حسنين, قال الاب: خد جنيه واحد و روح لصاحبك حسن
*******
واحد حب يشرب سيجارة حطها ف كباية
*******
مره واحد صعيدي راح السودان بلليل ملقاش فيها حد
*******
واحد داس بنزين موته
*******
مره اتنين طلبه مساطيل قاعدين يكتبوا ورا الاستاذ فى المحاضره وكل ما الاستاذ يمسح السبوره يقطعوا الورقه !!!!؟
*******
كهربائى..ابنه سخن ركبلة
ترنس
*******
واحد محشش راح يخطب واحده ..ابوها قاله:" انا عليا الشقة.." رد عليه وقاله :" وانا عليا البنات والبيره !"؟
*******
في نكتة حبسوها.... ليه ؟؟؟؟
موتت واحد من الضحك
*******
بلديتنا شاف واحدة لابسه جزمة بيضة حب يعاكسها !!!! قالها نهارك ابيض زى الجزمة
*******
عبقري عينوه مدير ملجأ أيتام اول قرار اخده اجتماع لأولياء الامور
*******
قهوجي اشترى عربية جديدة ..طلع كراسيها برة
*******
مره واحد مسطول فتح محل سماه (نجارة الاقمشة الكهربائية لصناعة الاحذيه الطازجة)؟
*******
وزير للشباب والرياضه راح يفتتح حمام سباحه راح صاحب الحمام بيقوله ياباشا ده المنط إل 30 متر فراح الوزير نادي علي مساعده.. يا محمدين نط فراح ناطط ! وجه صاحب الحمام قال للوزير: وده المنط 15 متر فراح الوزير نادي.. ياحسنين نط !! فراح ناطط .فصاحب الحمام قال للوزير.... ولسه يافندم لما الحمام يتملي ميه
*******
واحد اتصور بين حمارين وكتب على ظهر الصورة: الى أمى (ملحوظة (انا اللي في النص
موضوع: نكات مصريه 
الأحد يونيو 17, 2007 12:03 am
