ممنوعين

ابواب الدول سدوهة عنك ليش ؟؟
وليش وليش بس للغير فتحوهة
لان اسمك عراقي وابد ما مرغوب
والتأشيرة لا سمك ما يمنحوهة
ما يدرون غلطانين
لأن بيك الحضارة الما يعرفوهة
اسمك حمورابي واكد واسمك اور
ومسماري الرموز اشلون يقروهة
نخلة من العراق وطولك التاريخ
وهاي اختامهم لازم يمسحوهة
اسمك مأذنة وحضرة وامام ودين
وحروفك صلاة وغصب يتلوهة
لابد ما يدور الكون
والسدو عليك الباب ...
كصيرة اجفوفهم بابك يدكوهة
اذا ضدك زمانك هاذ
عراقي والك كل الجاي
بس يا حيف عالناس التضدك ما يمنعوهة
ما محتاج تأشيرة
من البايع جوازة وبايع الغيرة
ما محتاج تأشيرة
عراقي وما تذلك يوم
نكبات الزمان ولا دولهم هاي
العالم والارض والماي
من اسم العراق يريد تأشيرة


تقبلو اجمل تحياتي واعتزازي